古巨基、洪卓立、鄭融及鍾嘉欣等前晚出席《2010勁歌金曲優秀選第一回》，憑歌曲《周星呢》贏得金曲及最受歡迎廣告歌曲獎的基仔，古Sir上身大講金句：「側田食Kimchi，好想生BB！」事後記者笑問他何時生BB？他笑說：「我好忙，中港兩邊走，三日瞓一次覺，生暗瘡都冇時間！不過咁大個人，工作時工作，其他就之後再諗。」
而憑《明爭暗鬥》及與鄭融合唱的《愛得起》贏得1.5個金曲獎的鍾嘉欣說：「冇諗過自己嗰首都有，真係好開心！我真係好鍾意唱歌，就嚟要傾新唱片公司合約，但一切睇TVB決定。（問林峯意見？）唔會。」
