本文重點
黎明昨日與舊情人李嘉欣出席慈善活動，「繪畫初哥」嘉欣計劃義賣作品為青海災民籌款，然而相對黎明老婆樂基兒鑽研多年的畫功，她不禁自嘲：「我嗰啲係BB畫！」
黎明昨日率領Amusic旗下歌手衞蘭（Janice）、Janice Man、應昌佑、王歌慧、李治廷及舊愛李嘉欣，出席《青海地震賑災慈善義賣》。他們在烈日下完成支票遞交儀式，繼而出發到尖沙咀活方、海港城海運大廈露天廣場及九龍灣進行義賣，黎明更連走四場為各人打氣，期間不少歌迷狂塞五百及千元紙幣入黎明的募捐箱，十分豪爽！
至於為慈善不遺餘力的李嘉欣，被曬得大汗淋漓兼滿面油光，她接受訪問時坦言有意推出自己的油畫作品義賣：「好多朋友都叫我拎啲畫出嚟義賣，我覺得呢個提議都唔錯，但依家只得四幅畫，要再儲多啲！」
據知黎明太太樂基兒（Gaile）學畫多年，問到會否聯同Gaile一同搞慈善畫廊？自知畫功稚嫩的嘉欣說：「都OK，大家同公司嘛！但我啲畫拼埋去似BB畫多啲！」至於會否跟對方交流畫功，嘉欣說：「畫畫係隨心，冇話邊個約邊個，有機會見面再切磋！」
嘉欣透露最常畫風景畫，但對畫人物則興趣不大，所以不會畫老公，反而最想畫去年相繼逝世的愛犬：「我仲係好掛住兩隻狗，所以好想畫低佢哋嘅神韻！」
金句為「Out妻」解畫
而黎明透露首次全公司總動員出席活動，問到為何不邀請也是旗下的太太Gaile一同出席，他即時「金句王」上身：「《東方日報》已經解釋咗佢點解唔出席，佢哋寫得好正確，總之我做咗就等於佢做，一個家庭各做自己嘢，唔使重複！（驚焦點轉移咗？）我唔係驚，而係唔想掩蓋咗籌款精神。」