陳敏之昨日為賽馬會婚宴展覽擔任模特兒，穿上婚紗在馬車上影相。她自言是馬年出生，對馬情有獨鍾：「如果將來影結婚相，都想有隻馬一齊影，或者婚禮有隻馬陪住，覺得好特別。（有冇心水地方影婚紗相﹖）我鍾意陽光與海灘，想喺小島上影相同搞婚禮，例如馬爾代夫，不過我唔會着比堅尼行禮，我要着婚紗。（秘密結婚？）唔會！但都唔想好高調，適當時候會公布，開心事想同大家分享。」問到結婚大計何時實行？她自嘲年紀大，愈快結婚愈好，可惜還未有對象！