近日被指不堪郭政鴻玩弄感情而情緒崩潰、要向好友哭訴的滕麗名（阿滕），昨日與商天娥、宣萱、陶大宇、陳美詩及小演員譚真一宣傳無綫新劇《掌上明珠》，只見她全程心情開朗，不時為甩褲鏈的譚真一拉褲鏈，認真細心！對於被指情緒失控，阿滕否認：「冇啲咁嘅事！之前去溫州登台表演失準，就真係鬱悶咗幾日！因為我睇呢啲嘢好重。（感情點？）冇嘢發生過，不嬲冇嘢發生過。（係咪單身？）單身！（同郭政鴻咩關係？）由始至終係好朋友。（進一步發展？）唔再講，費事愈描愈黑。」

譚真一玩到褲鏈都甩埋，要滕麗名及宣萱替他拉上。	宣萱落力玩遊戲宣傳劇集，還自爆在微博表示唔識胡歌，引來其Fans不滿回應。	商天娥有男友捧場，零舍開心！

大宇踢爆親證有老婆

問到有否搵人訴過苦？阿滕否認：「邊有！（報道後有冇聯絡過對方？）有SMS同佢講唔好意思，佢話唔緊要。（快啲搵個真命天子？）唔好再咁寫，斷晒追緊我啲『米路』。（有冇追求者？）都有。」

至於阿滕兩位好友宣萱及陶大宇異口同聲指阿滕並無情緒失控，又表示對方未有搵他們訴苦，大宇指阿滕咁大個人，若遇到問題會懂得自己處理。問到郭政鴻是否有老婆？大宇說：「我都係睇報道先知，佢話係事實，做咗爸爸都幾好，多啲動力。」

此外，譚真一玩得投入，不慎甩褲鏈，雖然宣萱及阿滕先後替他拉褲鏈，但褲鏈仍然甩甩吓，大宇更叫真一上前吻兩名小妹妹觀眾，真一尷尬拒絕，大宇大講有味笑話：「見到有得錫妹妹，條褲鏈打開晒！」