二十八歲的劉心悠因為工作關係，五年前獨自從台灣來港發展，事業發展慢慢穩定，可惜感情生活卻一片空白，她苦笑說：「做得娛樂圈，就預咗好難搵另一半，因為呢行時間太唔穩定，你開工人哋就收工，到你收工人哋就要瞓覺，唔好話拍拖，連同朋友食餐飯都唔係咁易！」

放大圖片

放大圖片

早前心悠出席《Lunch Actually的星級浪漫約會》，與陌生男子「相睇」共進午餐，其後兩人還交換了電郵，她笑說：「去到呢個年紀，要搵個同自己溝通到嘅人好重要，加上做藝人時間同心情都好飄忽，另一半一定要體諒包容，大家先可以繼續交往。」她表示五年前來港發展前曾有一位要好的男友，可惜最後因經常分隔兩地而令戀情無疾而終，她慨嘆緣分要來的時候擋不了，要走的時候也留不住。

放大圖片	劉心悠出席活動「相睇」，期待做個真正新娘子。(資料圖片)

生仔棄事業

現時住在香港的心悠，甚少被狗仔隊拍得夜蒲爛醉，她自嘲是宅女：「我好鍾意喺屋企上網煲劇，就算出街都只係同公司同事，我好宅女o架！」問到五年來可有人追求？她想了想說：「可能有，但自己感覺唔到，我其實係男人嚟o架！個人成日傻吓傻吓，令人覺得同我冇距離，而我自己都唔係咁敏感！」話雖如此，不過她坦言將來找到結婚對象時，會願意為對方付出：「我好想生BB，如果真係遇到個合適對象，我都會放棄事業，照顧家庭，因為覺得結婚生BB就係人生另一個階段，不過當然都要畀大家有好大嘅空間，如果唔係結婚就會成為一種壓力！」