劉欣宜（E Cup Baby）自簽約成為歌手後，曾一度收起性感，但昨日她與師姐李蘊出席《新城World Cup Babies委任儀式》時再度拋胸！身穿球隊外套的她，刻意拉低拉鏈，以4吋「事業線」激鬥李蘊的長腿，還大方表演心口控球，俯身時更差點露出打底的三點式泳衣，難怪李蘊亦輸得心服口服：「唔夠佢嚟啦！點升都去唔到E（Cup）咁勁！」
劉欣宜經常與李蘊拍住上出席活動，問到會否收起咪咪？她笑說：「大家有唔同市場，唔會刻意咁做！（尷尬？）成日畀李蘊笑就尷尬喇！」她更大談護胸之道，自爆每晚都會按摩胸部：「沖涼時會按摩吓，幫助血液循環同防止乳癌。」此外，她大爆李蘊在寫真中有破格表現：「未見過李蘊咁犀利！」李蘊則坦承做了手腳：「墊咗啲嘢嘛！」
