蔡少芬（Ada）昨日偕陳豪、朱慧敏和黃德斌等宣傳劇集《飛女正傳》，席上，曹永廉和Ada玩遊戲時均發生意外，Ada更因飛身跳落帆布仆損鼻而痛得眼淚直流，事後她笑說：「好彩冇咩事，只係個鼻損咗少少。（咁咪要去整囉？）好彩我天生麗質，證明我冇整過下巴同鼻！」

Ada撻生魚撞親鼻子。

Ada立即掩着鼻子，面容扭曲。

自認港女讚好正

對於網友指她在劇中演技浮誇，Ada解釋：「都有好多人話我做到港女嘅衰格嘢！依家啲人唔認自己係港女，不過佢哋撫心自問，我係咪做到晒港女嘅搞鬼嘢先？希望觀眾打開心扉去睇！（咁你係咪港女？）當然！我係一個香港嘅女仔，又曾經係香港小姐嘅代表，我成日充滿自信、覺得自己好正o架！」對於《飛》劇被指抄襲，Ada說：「超人唔係男就女，況且超人戲講救世，而我就係幫港女去蝦港男，我只會當宣傳，有人講先多人睇！」

同場的陳豪亦指劇中造型只是雷同：「我個造型都試咗好多次，雖然出嚟我都覺得似怪醫，但絕對冇抄襲成分。」此外，右眼受傷的朱慧敏透露，眼睛是因生眼瘡而發炎，她更笑言辛苦命，休息即發病。