前晚葉問嫂熊黛林（Lynn）為廚櫃品牌開幕宣傳，但因雨勢頗大，抵達時顯得狼狽。近日除了忙谷《葉問2》外，Lynn還透露下周會包場請睇戲，問到會否請郭富城？她笑說：「最主要係請記者朋友。（唔請城城？）就算係都唔會係嗰日。」Lynn又謙稱廚藝麻麻，撚手小菜只有青菜及番茄炒蛋。問城城可有嘗過手勢，她即扯阿媽落水說：「連媽咪都未試過。（城城嘴刁？）唔係。（係咪成日打邊爐打到唔識煮？）哈哈……我屋企個廚房係Open Kitchen，反映內心。（你內心Open？）哎吔，唔知呀！你指邊方面？總之我唔知啦！」