明珠台主持人蘇頌輝（Desmond），雖然曾攻讀東亞研究、法律及工商管理，但為了生活更多姿多采，年前毅然辭去銀行工作，轉投明珠台擔任節目主持。滿腔理想的Desmond笑言，除了主持工作外，還希望能有機會拍戲：「我乜都想試吓，同自己講有機會至少希望拍到一部電影。」身為周星馳迷，他還笑言不排除會自薦與星爺合作：「呢樣嘢Nothing to lose嘛！雖然如果佢拒絕我，係會有少少失望，但如果我唔講出嚟，覺得好似對唔住自己咁！」

Desmond周身刀闖娛圈，除了幕前演出，亦是禮儀學校顧問。

Desmond目標遠大，有意籌集資金開拍荷里活電影，並邀《拆彈雄心》男星演出。

有意邀《拆彈》男星合作

向來對電影有濃厚興趣的Desmond，早前與好友伍允龍等拍攝一段名為《Bloodtraffick》的片花，雖然只有短短十分鐘，但他已揼本投資了10萬美元（約78萬港元）。他說：「其實我哋目標係拍一部荷里活電影，所以要籌集大約一千萬美元（約7,760萬港元）嘅資金；如果成事，我哋會搵荷里活有名嘅演員助陣，包括《逃》同埋《拆彈雄心》嘅男主角，不過依家仲係好初步階段，所以暫時賣個關子先，遲啲有進一步消息先再公布。」

除了幕前工作，Desmond亦是禮儀學校的首席顧問，他大讚楊紫瓊是禮儀典範：「之前有機會同佢做訪問，佢好有禮貌同好Elegant（優雅），佢嘅微笑同眼神接觸，令人覺得好舒服同好被尊重。」