由李詩韻投資開設的美容學校昨日開張，圈中好友鄭嘉穎、鍾嘉欣、馬國明、楊思琦及胡定欣等均有到賀。席間，李詩韻感激好友支持時不禁落淚，問到前男友鄧健泓會否捧場？她說：「有請佢，不過佢要宣傳唱片嚟唔到，好可惜！因為今日對自己嚟講好重要，希望佢張唱片可以大賣！（打電話畀佢？）有，前兩日開舖壓力太大，忍唔住喊，佢都有開解我。」
此外，緋聞男女馬國明及胡定欣堅拒合照，李詩韻遂上前與二人合照解圍，事後他們異口同聲否認尷尬，馬國明說：「我知佢（胡定欣）喺度，冇乜嘢尷尬，人哋舖頭開張，唔想蓋過風頭。」此外，剛與唱片公司約滿的鍾嘉欣表示，無綫與唱片公司現正商談新合約，相信續約機會頗大。
