第一輯《超級巨星》已告一段落，孖生兄弟周志文及周志康在節目中互相支持，兄弟情深感動觀眾，原來他們私底下感情要好，大孖阿文感慨地說：「我真係諗唔到有咩嘢人可以取代佢！」已習慣經常在一起的他們，最長只試過分開五天，細孖阿康說：「唔可以算係倚賴，已經變成一種習慣，總覺得有佢喺度會好啲。」
由於他們樣貌相似，其他《超級巨星》參賽者都很難分辨他們，有時連他們的媽咪也分不清，大孖阿文說：「因為阿康對眼精靈啲，有時我瞓得好夠嘅時候，會特登扮佢嚟呃媽咪！但如果媽咪叫錯我哋個名，我哋會扮聽唔見。」稍後將聯同其他《超級巨星》參賽者在紅館開騷，令他們興奮不已。
