自加盟無綫後，江美儀機會不斷，不足一年已拍下多部電視劇，如《五味人生》、《搜下留情》、《刑警》、《Only You只有您》及《女人最痛》，最近她還與視帝黎耀祥及視后鄧萃雯合作拍《巾幗梟雄之義海豪情》，江美儀感謝無綫給予機會：「呢度做嘢個個都好認真，呢啲係鍾意拍劇嘅人最想睇到，大家一齊好努力咁做好件事，同一齊Hea住做係兩回事，好有滿足感。」

第三度飾演視帝黎耀祥「老婆」的江美儀，坦言沒有壓力。	放大圖片	江美儀因合作劇集《女人最痛》，與張可頤及滕麗名成為朋友。

約食飯保持聯絡

在《義》劇中江美儀飾演黎耀祥太太，美儀坦言今次已是第三度做黎耀祥「老婆」：「之前拍電視劇《蘇東坡》同埋有一部電影入面都係做佢老婆，今次係第三次！（依家變咗視帝有乜唔同？）冇，佢嘅戲不嬲都好好，依家仲更加好，佢仲鼓勵我，叫我畀心機做好角色，因為上集成功，續集一出觀眾會好留意。」

問到最開心是拍哪一套劇？美儀說：「套套都咁開心，不過覺得《女人最痛》最難得，成班女人一齊做，一啲是非都冇，同張可頤、米雪同滕麗名仲好好感情，Friend到買嘢都會買四份，拍嘅時候又會互相照應，依家個劇完咗，大家都仲有Keep住食飯聯絡，真係好好。」