女歌手方珈悠已有逾一年時間沒有推出新專輯，身為陳柏宇師妹的她見師兄近年成績不俗，近日密鑼緊鼓炮製新EP，並將於六月推出，她說：「雖然心情好着急，但我寧願慢工出細貨，務求新碟有質素。」她表示最近除了錄歌外，又積極健身減肥：「早排去咗上海旅行，又食又玩，雖然唔係肥咗好多，但線條可以Keep好啲，肌肉可以結實啲！」原來珈悠也愛到日本旅行，問到會否揀日本男生做男友？她笑說：「我鍾意韓國男仔多啲，因為我鍾意細眼，反而唔係太鍾意靚仔！」