早前唐寧與海俊傑出席《拯救遺棄寵物中心》開幕活動，呼籲善心人士捐款，為流浪犬建設美好家園。活動上，唐寧與狗狗玩得相當盡興，又不時合照留念，當她談到流浪犬問題時說：「呢個機構喺流浮山搵咗個地方畀班流浪狗住，仲買咗幾個大貨櫃安置佢哋。不過仲有好多設施要建設，所以需要好多資金，希望各位有愛心嘅人，就算你鍾唔鍾意狗，都捐少少錢幫忙呢班流浪狗，等佢哋有個安樂窩。」
出名愛狗的唐寧笑言將來揀男友，也希望對方是愛狗之人：「我覺得可能前世我畀啲狗救過啩！所以今世好似欠咗佢哋咁，好似我屋企嗰班大帝（指狗仔），我有時覺得自己太聽佢哋話，如果做我男友點可以唔鍾意狗呢？拍拖要有共同興趣嘛！」
