愛旅遊的楊汀叮曾踏足地球不少地方，早前她首次到零下20多度的哈爾濱遊玩，細賞美麗雪景，一行十多人更獲熱情導遊帶路，四圍覓食，汀叮說：「我哋食咗好多地道嘢，有農家菜、超入味嘅炆豬骨，仲有矜貴野生鱸魚，喺其他地方好少有，哈哈！我食咗好多補充膠質。」

Baby師妹楊汀叮熱愛旅遊，曾遊歷不少國家。	汀叮暢遊主題公園，抱起動物BB合照。	汀叮遊哈爾濱時狂掃美食。

下一站夏威夷

除了賞雪及大啖美食外，汀叮又到訪當地主題公園睇北極熊、企鵝及北極狐狸等，其中遊覽東北老虎園的經歷更令她非常難忘，她說：「我哋坐吉普車近距離睇東北老虎，開頭佢哋仲好靜咁坐喺度，但係我哋一放雞餵佢哋，佢哋即刻瘋狂撲上去，嚇到我哋閂窗都閂唔切，我哋仲見到地下有羊嘅屍骸，其實都幾殘忍！」至於下個心水旅遊勝地，汀叮則渴望到馬爾代夫及夏威夷：「去完啲落雪地方想享受一下陽光與海灘！」