將於六月舉行演唱會的農夫，接受ontv訪問時大談開騷前的準備工夫，今次演唱會以「Down to Earth」為主題，主要講述上一代跟下一代對物質看法的改變，為了展示追求物質跟不追求物質的分別，他們會以「太空人」及「原始人」兩個不同的造型來表達，他們認為生活得簡單亦可非常愉快，C君說：「有時唔需要一定賺到錢，日日要魚翅撈飯先開心，冇錢都可以好快樂，做人唔係一定需要物質嘅嘢。」陸永表示上一代應該放心讓下一代接棒，而下一代則不需要像「太空人」一樣，無止境地追求科技的發達，以及物質方面的滿足。

C君（左）與陸永大談演唱會的賣點。

農夫早前「落區拉票」，力谷新碟《O'FAMA》。

現實冇Dream Girl

今年初推出新碟《O'FAMA》的農夫表示，這張唱片是出道以來最滿意的作品，因他們真的唱出個人感受，ontv主持Angela（俞詠文）表示最欣賞歌曲《Dream Girl》，而此曲分別有陸永跟C君兩個版本，陸永的版本是第一部：「我首歌係寫完美嘅女人其實就係唔嫌棄我就得，C君嗰首就寫呢個世界根本就冇完美嘅女人，只會喺幻想中出現。」至於碟名讀音跟美國總統奧巴馬相似，全因大碟的理念跟奧巴馬選舉時提倡的同樣是「改變」。