去年主力在內地拍電視劇的Don，終於推出全新EP《給：愛我的》，他說：「今次出碟緊張又開心，因為自己畀咗好多意見，落手落腳做咗好多嘢，構思、揀歌、唱片封套同埋拍MV，都係李逸朗出品！」為拓展內地市場，Don的新碟大部分是國語歌，希望藉早前央視播映的電視劇《張小五的春天》，殺出新血路！

扮傻跳海

五首國語歌分別描寫不同的戀愛階段，其中三首歌已拍攝MV，首次兼任MV導演的Don說：「呢三個MV其實可以貫串成一個故事，但係又可以將佢分開嚟睇！」在《零》的MV內，為表達男主角不想在世界留下任何東西的感覺，Don竟然「自虐」到大玩跳海！他說：「拍攝嗰陣係一Take過，周圍有好多人睇住，我仲要除剩底衫褲，不過當時都豁咗出去！」

Don又大打人情牌，邀來好友泳兒及Yumiko客串MV《誰》的兩位女主角，更被飾演前度女友的泳兒狂摑五巴掌！Don說：「因為我嘅角色係傻咗嘅，泳兒見到好心痛，就忍唔住想打醒我！Yumiko嗰段就輕鬆好多，因為我只要呆呆吓等佢餵我食飯，後來睇番都覺得好笑！」