近年轉戰公仔箱的羅仲謙，先後拍攝《尖子攻略》、《古靈精探B》、《搜下留情》及《團圓》等劇集，曾與不少前輩如郭晉安、歐陽震華及馬德鐘等合作，令他獲益良多，問到最想與誰合作，羅仲謙直言渴望與佘詩曼（阿佘）扮演姊弟：「同陳豪私下認識，但一直未有機會合作，所以都好想同佢試吓合作拍劇。至於花旦方面，好希望可以同阿佘合作，我好鍾意睇佢嗰套《十月初五的月光》。（想同阿佘演情侶？）情侶怕冇說服力，想演佢細佬多啲，因為可以喺戲入面畀佢照顧，有阿佘呢個家姐都唔錯吖！」

從大銀幕跳到公仔箱拍劇，羅仲謙吸收更多演出經驗。

羅仲謙曾與多位前輩合作，現時最想與阿佘及陳豪合作。

為新劇日日練拳

此外，羅仲謙期望所演的劇集得到認同，對於新人輩出，問他可會擔心競爭太大？他說：「喺娛樂圈成日都一定要競爭，所以要做好自己，就好似今次喺《搜下留情》扮演一個拳擊運動員，所以事前做咗好多準備工夫，每日都去練拳、做Gym同曬太陽，希望更加配合到個角色。」