前Cookie成員Angela，日前與吳彤以情侶檔姿態拍攝合唱歌《愛情不過是場遊戲》的MV，MV中因小事耍花槍，並有一場玩啤牌場面，表達「攤牌」的意思。不過Angela表示現實生活中，她不擅長嗌交：「我唔叻嗌交！因為嗌交傷感情，我反而最叻冷戰，以前拍拖嗰時試過可以忍一個月唔理另一半，就算對方撩交嗌，我只會唔理佢，亦唔會擺喺心。」

Angela與男友鈴木仁相處融洽，甚少嗌交。資料圖片

Angela和吳彤在ＭＶ合演情侶，並大耍花槍。

轉移話題作緩衝

Angela與日籍型男鈴木仁經常被拍得甜蜜約會，問到有否嗌交？她說：「好少！佢好好o架，冇乜脾氣，好就得人，大家相處耐咗，係試過有『火花』，但佢會識得轉移話題，仲識得攞我哋隻狗出嚟講，作為緩衝點同撒手鐧！」Angela表示平日常以英語與鈴木仁溝通：「有90%英文、10%係日文同廣東話。」而吳彤表示現實生活中，並沒有試過與女人嗌交：「我反而會同人說教，或者同人講道理。」