小胖在台灣一鳴驚人成為搶手貨，被指來港演出酬勞高達十萬元，但他接受無綫邀請來港兩天，只收象徵式酬勞。無綫非戲劇製作總監何麗全說：「唔係十萬，只係象徵式！一來佢感受到我哋好有誠意，而且Big 4（張衞健、蘇永康、許志安、梁漢文）同佢經理人好熟！」小胖來港兩日行程，無綫會包食宿，除上收費電視生活台的《Big 4大四喜》外，還會出席其他音樂節目及接受訪問。談到無綫包兩日行程的使費？何麗全稱不會多：「雖然係包食宿，其實唔使好多錢，因為有贊助。」

港姐印度拍外景

何麗全又指若時間許可，希望小胖為遊戲節目甚至慈善節目錄影，但由於他出身自歌唱比賽，故有限制不能上同類型節目：「我亦都唔想行程排得咁密，畀啲時間佢試吓香港地道美食。」另外，《2010香港小姐競選》已接受報名，何麗全表示今年決定到印度拍攝外景，其他詳情仍待落實。

文：影視組