近年進軍日本嘅諸葛梓岐（Marie），為咗學好日文，請咗私人補習老師惡補，但小小So唔明，佢工作咁忙，仲要拍拖陪男友，邊有咁多時間學日文呢？所以，小小So有日打電話畀佢傾開偈，請教佢點解分身有術，點知佢話依家都冇學日文！
小小So：你今日使唔使做嘢呀？
Marie：要呀！日日都好忙。
小小So：你鐵人嚟㗎？唔攰咩？
Marie：梗係攰啦！工作緊要，我都想做好成績畀人睇。
小小So：你喺日本發展成點？
Marie：都OK，每年都會有騷行，遲啲仲會出埋唱片。
小小So：你依家日文一定好好。
Marie：都唔係，因為我呢排冇學，我真係好攰，有時連覺都冇得瞓。
小小So：你交晒學費喎！
Marie：所以我個Model Agency成日叫我快啲學番，但我真係好攰，唔使開工，都寧願留喺屋企休息吓。
咁又係，小小So都覺得有工開總好過冇工開，要成名就要付出。