昨晚Christian Dior在港舉行《Savoir Faire Exhibition》活動，請來鍾楚紅、琦琦、馬詩慧及黃偉文等出席。其中穿上一身Dior服裝及首飾的鍾楚紅甫出場即引來哄動，風采依然的她全程由Dior亞太區常務董事文迪高親自接待，期間還一親紅姑的玉手，問紅姑可會尷尬？她大方地笑說：「手啫！冇乜尷尬。」退出影圈多年的她，表示接拍廣告過演戲癮：「啱啱幫Dior拍完時裝廣告。（代言？）可以咁講。（邊個系列？）Bar Jacket，着住Bar Suit影。其實我好鍾意佢哋嘅設計，摩登得嚟又好長青；我好欣賞佢哋嘅長久歷史，近年佢哋推出嘅珠寶我都好鍾意，因為佢哋嘅設計都係以大自然為靈感，好似動物、花草。」

鍾楚紅獲品牌亞太區常務董事文迪高獻吻。

琦琦、馬詩慧偕長女王曼喜現身支持活動。

露肩現泳衣印

記者發現紅姑膊上的泳衣印？她即害羞地笑說：「咁都睇到？我成日都游水曬太陽。（着三點式？）有乜分別呢！（驚唔驚畀狗仔隊發現？）都驚o架！（香港定外國曬？）四圍都有，唔話你哋知。」她更笑言塗太陽油不需別人幫手，自己是熟手技工。問到有否想過復出拍戲？紅姑說：「劇本唔係好多有得睇，因為佢哋知我冇乜興趣。」

放大圖片	陳斯允與男友拍拖撐在中環置地展出的《Savoir Faire Exhibition》。

而馬詩慧則偕長女王曼喜一同出席，她笑指十歲的兒子正踏入青春期的疑惑：「佢以為自己發育，不過好在學校有性教育，唔使家長教，深入啲等佢大啲先教佢啦！」