出爐影后惠英紅昨日為無綫節目《星級廚房》擔任嘉賓，獲贈一個用紅蘿蔔雕成的金像獎，令她開心不已。小紅將於下月底到廣州，與周迅及李冰冰等爭奪傳媒大獎的最佳女主角，雖然對手強勁信心不大，但她仍全力以赴，準備一件Escada、價值差不多二十萬的戰衣！她希望能增肥成功，穿起露背或低胸裝時比較好看。
小紅還透露在金像獎當晚所穿的低胸長裙，其實內有乾坤：「嗰日其實我戴咗Nude Bra，開頭黐雙面膠紙但唔夠力，搞到要用啲封箱膠紙黐咗成晚， 搣番出嚟就損晒，第二日仲要影相，惟有撻粉頂硬上，結果搞到含膿！」
另外，有指小紅現有新男友，兼在慶功宴埋單。被指為媒人的林建明昨日否認該男子是小紅男友：「佢係我朋友，人哋有妻有兒唔好亂寫！」