陳敏之昨日到深水埗舊區拍攝無綫新劇《怒火街頭》，劇情講述飾演妓女的她為助警捉賊而被撞倒地上，以性感低胸背心及熱褲上陣的她，騷胸晒腿「瞓身」拍攝，吸引數十名男士圍觀及拍照，期間有男士大大聲指着陳敏之，並爆粗說：「條女咁X高！」雖然面對大班男士指指點點，不過她一於少理，實行拿拿聲拍完鬆人。

陳敏之為追賊而仆倒地上，拍攝時惹來途人圍觀。	放大圖片	受傷的陳敏之被扶起時神情痛苦。

砵蘭街實地考察

事後陳敏之承認面對大批男士圍觀，感到有點不自在，她說：「因為着得比較性感。（鹹豬手？）都安全嘅，因為有好多工作人員喺度。（怕唔怕走光？）都做足安全措施，拍嘅時候唔諗咁多，最緊要投入角色。（介唔介意畀人評頭品足？）我EQ好高，就算聽到都當聽唔到，我哋做得呢行要慣喇！」

此外，陳敏之為演好是次角色，她不惜到砵蘭街及深水埗作實地考察，她說：「第一次做妓女角色，所以事前都有做足準備工夫，睇咗好多電影，講被歧視嘅，因為做性工作者，容易受到歧視，戲中有場戲講我被歧視，又畀人被摸腰、摸大髀。（係咪有好多大膽鏡頭？）係呀！除咗性感之外，仲有強姦戲，所以今次算係犧牲色相。」