下月預產期的張栢芝，近日鮮有外出，兒子Lucas返放學亦交由姐姐戴碧芝代勞，她則與老公謝霆鋒在家中靜待小生命來臨。據悉拉姑早已為新抱安排一切，除了擇好吉時日內入院剖腹，請來有豐富經驗的女醫生操刀外，還為栢芝挑選入住五星級醫院的豪華套房，據知該病房日租逾二萬元，對於謝家再添慈姑椗，拉姑認為相當值得。

望追夠五個

剛於橫店完成英皇電影《新少林寺》拍攝的霆鋒，日前趕返港慰妻，雖然曾表示害怕血淋淋的東西，但他亦考慮陪產。對於有醫生建議剖腹分娩不可超過三次，揚言要生夠五個的栢芝昨日透過助手說：「開刀生幾多個就唔知，但一定唔會停，總之生得幾多得幾多！今次栢芝都唔係佗得好辛苦，係頭三個月嘔得多啲。」並表示Lucas年紀尚輕，對於媽咪再生BB未有太大反應，而拉姑亦不時來探栢芝。

拉姑前日手持紙袋裝有木瓜及大包牛奶糖現身中環，未知是否買給栢芝，問到栢芝是否本周內生得，她笑笑口表示不願多談便離開。

四哥撐復出

栢芝自為人母後幾乎絕迹幕前，導演爾冬陞表示已準備劇本等她復出，鮑起靜亦曾大讚她演技掂。其實栢芝已決心於分娩後積極收身，為復出做準備，老爺謝賢亦大表支持，坦言栢芝當了幾年湊仔婆，如對演戲有興趣，有好劇本亦不妨復出，四哥還笑指如栢芝忙拍戲，他不介意出手湊孫。至於栢芝想生夠五個，四哥說：「新抱仔鍾意就得。（霆鋒停工陪太太？）應該啦！阿仔真係大個咗，成熟好多！」而他知道有傳媒於霆鋒寓所門外守候，不時致電關心新抱。