女伴如走馬燈的趙世曾，前晚拖着一名叫Lena的內地女子出席《愛彼錶女皇盃派對2010》，子女趙式芝和趙式浩也有出席，式浩承認和女友拍拖一年，但笑言父親反對他有固定女友。
至於趙世曾表示Lena是其杭州公司地產部的員工：「佢係嚟香港同我報告業務。（女友Wendy呷醋？）唔會！佢知我有好多朋友，佢返咗北京，大家都係朋友。（反對兒子有固定女友？）梗係唔好結婚，好似我咁做人最開心，唔一定要做花花公子，如果Fortune Magazine選邊個最開心，一定係我，同我來往個個都開心。（同Wendy一齊幾耐？）六年。（Lena呢？）有好多好耐你唔知啫！你知得幾多個！」
另外，趙式芝透露會退出工作十年的公關界，和堂弟趙式慶在內地籌備「母親和女兒」的慈善計劃，幫助西北區貧窮村落的婦女。