昨日Amanda S.出席歌詩達郵輪「羅曼蒂克號」首航香港活動，穿上Tube Dress的她明顯消瘦不少，她表示因早前到法國修讀甜品課程，壓力很大：「我呢排已經肥番啲，啱啱返嚟嗰陣仲瘦，因為讀書好辛苦，我寧願做嘢好過讀書，我畀自己好大壓力，學校裏面個個同學都係競爭對手，所以要好努力！」

有信心箍掂愛郎

記者問她消瘦了，咪咪是否也縮水？她即說：「當然有啦！我男友好唔開心，佢話唔見咗喇！因為意大利男人鍾意啲有肉嘅女人。」她透露下月底將再返法國繼續進修，那咪咪豈不是繼續「隱居」？她笑說：「唔緊要啦！如果我太掛住佢，我有辦法搵番佢出嚟！（怕唔怕男友出去搵有肉嘅女人？）冇得怕，不過我好愛佢，我會對佢好好，有信心自己會啱佢！」

Amanda瘦到變洗衫板，令男友極為失望。資料圖片

Amanda S.出席郵輪活動時，提起過去與父母遊船河的經歷。

此外，Amanda表示小時候曾和父母坐郵輪，但未曾跟男友乘坐，她說：「我同男友去旅行通常只係喺酒店房或泳池，同埋出街食飯，我唔想周圍去，只係想輕鬆吓。（不如喺屋企？）喺屋企就有其他嘢做，個腦休息唔到！」她表示下半年會非常繁忙，因她計劃推出巴黎旅遊書和甜品書，十分有諗頭！