經常在劇集中飾演柔弱角色的無綫新紮小花Jeanette，近期在影視圈搶盡「峰」頭，繼早前在劇集《美麗高解像》中露肉飾演「毒友」後，又在賀歲片《72家租客》以水着示人，升呢做「新一代咪神」。

酷愛演戲的梁政珏坦言，若時光倒流，同樣會選擇當藝人。

自小表演欲強的梁政珏，竟然模仿《新紥師兄》的偉仔而非曼玉，認真另類。

捨易行難

對於外界聚焦在其性感演出，Jeanette說：「其實我冇刻意要走性感路線，只不過係角色需要先性感演出！好似我喺《同事三分親》入面嘅角色都唔使性感，但係好多觀眾都因為呢套劇認識我，有啲監製仲以為我真人就係好似個角色咁，到識落至知唔係，所以我覺得自己都算演得稱職。」她又透露小時候已甚具表演欲：「我試過睇住《新紥師兄》跟住扮，不過唔係扮張曼玉，而係扮梁朝偉！」

高海寧（左）與梁政珏在《72家租客》中鬥性感，受惠的當然是觀眾。

梁政珏在《同事三分親》中飾演蔡淇俊女友，角色純過蒸餾水。(資料圖片)

Jeanette表示入行經過其實亦是「棄曼玉、取偉仔」：「當初喺美國讀完Fashion，雖然喺嗰邊搵工易同福利好，但係唔想咁就一世，反正自己表演欲咁強，又鍾意扮靚，所以想試吓做演員。曾經諗過選港姐入行，不過因為唔想喺咁多人面前着泳衣，所以去咗讀訓練班，不過讀完訓練班先發現，原來一樣要着泳衣！」

着眼現在

漸漸體會到娛樂圈「變幻無常」的她，尚未計劃未來的發展藍圖：「我有諗過係咪應該定個目標，但係我從來都唔會計劃未來，我鍾意隨遇而安，既然呢一刻我仲好鍾意演戲，就應該注重點樣演好個角色先，其他嘢遲一步再諗。」