前晚泰國曼谷發生連環爆炸，有外國遊客受傷，由於當地暴亂再度升級，令剛巧出發前往曼谷拍寫真的「八模」Anjaylia及Evelyn異口同聲表示非常擔心！雖然她們在近郊拍攝，但為令家人放心，她們承諾每日致電公司及屋企報到，可是因昨日一度與經理人失去聯絡，所以當再次接通電話時，她們都非常激動，Evelyn搶着說：「今次影寫真真係搵命博，好彩我哋唔係喺市區影相，但都驚下個星期返唔到嚟！（咁危險？）我講驚班機會Delay或者取消。」

Anjaylia說：「上機只係留意到機位好鬆動，可以打橫瞓都得，點知一落機就見到機場冇乜遊客，嗰陣先識驚。」當她們上機時，仍未知局勢日趨嚴重，還不停玩自拍，Anjaylia更與最愛的小熊拍照，直至到達機場才知驚。

彭發照開工

而同樣身處當地的導演彭發亦為《完美童話》做籌備工夫，但他表示不擔心：「都唔係第一次，泰國人都習以為常，而且我又唔喺市區，呢度好平靜。」另外，寰宇老闆林小明開拍的《B+偵探》原本於下月在曼谷煞科，但因局勢問題，現考慮延期拍攝或留港補拍。