24/04/2010

播放本新聞相關短片

陳偉霆賠上愛情無怨無悔

陳偉霆成為英皇力捧「小舞王」,但光輝背後卻付出沉重代價,其肉體、精神受創,除了經常赤身露體外,連一段五年「感情」也賠上,但意志堅定的他,依然無怨無悔。

陳偉霆(William)被英皇悉心栽培,安排不少上位機會,歌、影雙線發展的他,隨即開展「無休止」的工作生涯。William記得最瘋狂是連續60小時不眠不休工作,令他快瘋了:「我捱到第50個鐘,已經諗唔到嘢,不停咁問自己:『點解我仲未死?』到第59個鐘,嗰陣我拍緊戲,導演要我做一個好簡單嘅表情,我NG咗十幾次,導演仲話喺鏡頭度,睇到我成個人喺度搖緊,好恐怖。」

練舞過度傷上傷

除精神飽受折磨外,William亦因練舞過度,令腳患加劇,要長期忍受椎心之痛,他表示因腳部經常受壓,雙腳的筋骨已出現勞損,而去年他為電影《愛出貓》練舞時,不慎再扭傷膝頭舊患,結果要睇跌打及接受針灸治療,他說:「有時隻腳真係好痛,醫生叫我休息幾個月,但邊有可能,好在我太投入跳舞時,會唔記得痛。」

裸露出騷被取笑

因William擁有健碩身形,不少片商及客戶要求他裸露出騷,故公司同事都取笑他的新名是「除清光」,William自言感覺絕不好受:「我喺電影《前度》中要除衫演出,到拍廣告又係要除,啲同事笑我係冇衫着嘅藝人。」但相信打擊William至深的,莫過於和緋聞女友Angelababy分手,談及緋聞,William明顯不卻多言,只說:「係我估計錯誤,以為兩個人一齊就可以乜都唔理,但原來唔係咁。」問他可覺得為事業失去太多?William說:「我覺得值得囉!因為機會唔係成日有,遇到就要好好握住。」

音樂組