出爐影帝任達華前晚與太太琦琦出席Alfred Dunhill Hong Kong Home開幕禮，他透露慶功時與吳君如嘴對嘴的照片見報後，女兒晴佳竟問他究竟喜歡誰多些，他說：「我聽到覺得好Sweet，我同囡囡講君如係我戲中最愛，問佢記唔記得帶過佢去永利街拍戲，仲同佢講現實中琦琦先至係最愛。」琦琦則說：「囡囡仲問我幾時叫君如個女出嚟玩添！佢畫咗本書送畀爹哋做禮物，原本諗住喺酒店搞個Poolside Party慶祝，不過老公話唔好，話喺茶餐廳搞就得。（送個BB畀華哥？）唔係啩？」
華哥表示準備送Video給君如作禮物，以便她隨時隨地放片睇，又透露希望於羅啟銳的新片中，與惠英紅及君如合作，作個大團圓。而榮升影帝後，華哥表示最緊要導演好，片酬不是問題。