去年「咪神」徐淑敏與飲食界才俊黃浩（Kenny）相戀5個月，火速「奉女成婚」，並於上月15日開刀誕下女兒黃心瑤（Vianna）。初為人母的Suki，出院後仍堅持每日餵哺母乳，上圍隨即升Cup變得更加豐滿！

帶滿月女兒打針

本月初，仍在坐月期的Suki因購物癮大發，相約好友四出逛名店掃貨止痕。上星期，Suki全家出動到尖沙咀食飯賀囡囡滿月。直至前日約傍晚6時半，身穿黑色Cutout背面開窿款式西裝褸、白色低胸長Tee配Leggings的Suki，與老公Kenny手拖手到中環ifc行街，有說有笑，非常恩愛！雖然Suki的水桶腰已逐漸消失，體形亦開始回復苗條，但其逼爆的G Cup上圍仍甚有睇頭！

Shopping癮起的徐淑敏，到名店揀選手袋。	身穿白色長Tee的徐淑敏，令激凸G奶更顯眼！	徐淑敏穿上背面開窿的西裝褸，看來已收身不少！

當日兩公婆先往名店D&G睇衫，Suki揀選手袋時，站在旁邊的Kenny則背着門口整理褲頭，二人快速逛了一個圈，沒有任何斬獲便手翹手離開。當記者上前拍照時，他們仍保持親切的笑容，問到拍拖外出，囡囡由誰照顧，Kenny開心地說：「有媽咪湊。（囡囡依家點？）佢依家識得轉身，識得自己揸奶樽食奶，其實我哋今日都帶咗BB出去打針，啱啱先同佢返咗屋企。」說畢Suki便拖實老公往四季酒店撐枱腳享二人世界。