謝婷婷前晚出席b+ab時裝騷時，對於男友安志杰公開表示要向拉姑提親的言論，深感愕然：「點解唔喺我面前講，要喺你哋面前講呀？」問到會否今年內結婚，她表示時間太趕，男友亦未正式求婚，但承認雙方曾商量：「如果佢求婚，我肯嫁，大家都講過，我係佢、佢係我，但要過父母嗰關先，佢好緊張點同佢哋講，佢好尊重長輩，所以父母都好錫佢，要過關唔難！」她否認現已同居，只是每日都會見面：「我同佢只係欠張婚紙、婚禮同婚戒，我哋個婚禮會好簡單，最重要係一家人喺度，真係結婚嘅話一定公開。」