已是大師姐級的Angelababy（楊穎）昨日與師妹楊汀叮、Sarah、Hilary、Isabel及Winnie一起為第二屆《海港城STYLE Model Hunt模特兒大賽》宣傳。一身黑色素服打扮的Baby原來是為哀悼青海地震死難者，她透露有捐錢賑災，其微博Fans亦自發地合共籌得1,228元人民幣，她遂加碼至12,280元捐予災民。

楊汀叮與師姐妹一同到海港城為模特兒大賽宣傳。

放大圖片

自稱怕被指博宣傳

提到黃曉明秘密來港，Baby即說：「我唔敢再講佢嘅嘢，任何有關佢嘅嘢我都唔敢再講，唔想人哋覺得我博宣傳。連海綿蛋糕都唔敢提喇！自己寫Blog都要諗清想楚先寫，因為大家想像力太多喇！（驚佢啲Fans嬲？）唔擔心，係驚影響工作。（你哋有共識唔再講？）唔知，係我自己啫！」至於可會因而避開黃曉明，她卻說：「唔會避開佢。（即係唔會影響到你哋嘅關係？）唔會影響我哋嘅朋友關係。」她表示沒有跟黃曉明在香港飯敍，並自稱數月沒有見對方，但卻數不出有多少個月。

「眼鏡奶」被讚誘人

對於緋聞傳得熾熱，身邊朋友可會以為她與黃曉明在拍拖，Baby說：「啲朋友成日笑我，算啦！炒得太熱喇！等風平浪靜先。」她自言不會稱呼對方為「曉明大哥」：「我叫佢中文名。不如我哋唔好再講佢，費事畀人誤會我借佢做宣傳。」她又重申「海綿蛋糕」不是指「曉明大哥」，只是一件玩具，並非對黃曉明的暱稱。

另外，早前黃曉明脫衣上陣拍電視劇，其裸露上半身的露點照曝光。身形健碩的他，胸肌發達，更被形容為擁有一對「眼鏡奶」，吸引Fans垂青，大讚他可口又誘人。