出爐金像影后惠英紅（小紅），前晚與好友林建明（沙姐）及鍾慧冰等到灣仔食飯慶功，沙姐除一早到場打點外，更送上心形鏈墜及寫有「萬能靚女」的心意卡，而鍾慧冰則送上「小熊」擺設，取「小紅」同音，相當有心思！不過，小紅竟把影后獎座遺漏在車廂，令一班好友大失所望，她即命人取回獎座，相當搞笑！
對於有指新劇《巾幗梟雄之義海豪情》監製李添勝加戲份，力谷她成為視后，不過她表示未有聽聞：「雯女（鄧萃雯）先係女主角，我同佢好好朋友，呢套劇係為佢而寫！（多咗工作？）的確多咗，最驚喜有人搵我演舞台劇，我都想試吓！（爭個男伴？）唔會強求！」將赴廣州出席頒獎禮的她，希望再憑《心魔》奪獎。
另外，小紅與鄭嘉穎主演的劇集《鐵馬尋橋》收視不錯，有指嘉穎要求監製李添勝拍續集，不過嘉穎否認：「好多人拍第一集時已想開續集，因為感情好好！（被屈唔開心？）我咬佢（消息報道者）呀？咬佢個頭又硬，咬屁股又臭！」