楊思琦、呂慧儀、高海寧、王君馨及何傲兒等，昨日與應屆港姐劉倩婷、李姿敏及熊穎詩出席港姐活動，為本地招募揭開序幕。高海寧與王君馨齊齊拋胸，王君馨的超低V裝相當注目，事後她解釋因拍畢飲食節目而令上圍升Cup：「跟幟哥（黃永幟）食得好嘢多！（食乜食到上圍咁大？）海鮮同肉囉！澳洲啲牛奶好好飲，食到由34C升到34D，要買過啲胸圍！（滿意身材？）想減番啲，唔需要咁大！」

各屆美女雲集，宣傳新一屆港姐。

何傲兒大露背示人，力挽狂瀾。

高海寧：真材實料

至於高海寧自言有一段時間沒有性感亮相，對於撼低呂慧儀，她說：「佢好有女人味！（瘦咗？）係，不過冇降Cup，係真材實料！」相對較密實的呂慧儀則自封「雅典女神」：「人哋話我有性感女神Feel，不過我都忍唔住望多王君馨兩眼！（輸蝕？）都會，今日冇露腳！」而無綫非戲劇製作總監何麗全透露，港姐競選將於7月舉行，今年會選出12位候選佳麗，選美場地會移師邵氏影城以花生騷形式進行：「可能賽制放寬咗，應徵海外佳麗人數多咗3倍！」