樂基兒（Gaile）昨日出席朗豪坊舉辦的《Salad 2010亞太區代言人發布會》，對於Lisa與吳彥祖秘密結婚，Gaile表示事前並不知情，只是從記者口中得知，並大方送上祝福，問到會否嬲Lisa瞞婚？她說：「唔會，每個人有自己嘅Personal Life，唔需要同大家分享，係開心事，我戥佢開心就夠！」

問到是否身為過來人，所以特別體諒？Gaile說：「佢講唔講畀大家知都冇所謂，唔關我哋事！如果佢想公開，自然會講！（佢學你？）唔覺得，呢個世界有好多人，就算唔係呢行，都有好多人咁做！（Lisa話婚後積極造人，你呢？）遲啲先知，做媽咪冇話幾時Ready，順其自然！」她表示不會刻意致電恭喜Lisa。

與人形公仔鬥嘟嘴

活動上，大會邀請了本地Figure大師Eric So以Gaile為藍本，創作一個1：1的人形公仔，嘴唇造型誇張，Gaile笑言不介意：「都慣咗，冇唔鍾意，公仔幾有我特色！」她更嘟起厚唇與公仔合照，十分搞笑！另外，大會重播Gaile入行至今10年的片段，記者笑指她也曾是o靚模，她笑說：「嗰時係細路女，十幾歲入行，真係好難忘，樣樣嘢都好新鮮！」