蔡少芬（Ada）、朱慧敏、曹永廉和黃德斌等昨日到奧海城宣傳新劇《飛女正傳》，Ada以劇中的四眼「大籮」肥妹造型現身，她坦言現實中絕不可能變成肥婆：「我有啲阿姨都係咁肥，但我一定唔會畀自己咁。（生仔會肥喎？）生仔都唔會，我要好似陳慧琳（Kelly）咁，生完仔即刻着到迷你裙，唔鍾意變張師奶。（啲人話生仔都會變蠢同冇記性！）唔緊要，依家都差唔多。」Ada自誇身材屬黃金比例偏瘦，但應有肉的地方有肉，不需要「托」！

朱慧敏賺錢養自己

此外，朱慧敏本月22日便29歲生日，但她笑言心境依然是18歲，而且當日要開工不能慶祝。至於生日願望，她說：「健康快樂。（搵個男友？）隨緣啦！做呢行冇乜機會識到，識個有錢嘅又話貪慕虛榮，識個一般嘅又話賺錢貼仔。（圈中人呢？）好大壓力，所以都係努力工作，自己養自己。」