林莉早前獲內地大型時裝連鎖店Sammy Fashion的老闆Eva睇中，邀請為旗下於廣州花園酒店舉行的大型時裝展行騷。雖與模界前輩級的陳嘉容及Rosemary同場，但她毫不怯場，並接受當地傳媒訪問。
問到有否被安排在貴賓房換衫，林莉說：「冇，後台好多人，除咗模特兒外，仲有化妝師同髮型師，有男有女。因為時間緊迫，根本理唔到咁多，話脫就脫，大家都忙到唔會互望。（尷尬？）唔會，作為專業模特兒絕對唔會介意，一切以行騷為重，肉帛相見嘅情況經常都會有。（有意闖內地市場？）內地係一個Potential Market（潛力市場），當然我希望成功打入，但我仲係啱啱起步，一步步嚟，唔心急得。」
