本文重點
穿上紅噹噹裝束的謝霆鋒，憑《十月圍城》勇奪最佳男配角獎，並被選中成為全晚最佳衣着的男嘉賓，他進場時已自嘲似紅地氈，當他領獎時一度嗚咽，他感激陳可辛等幕後工作人員，並特別多謝太太張栢芝，他說：「好想多謝太太，尋晚拍完戲返屋企，係呢個月第一次，佢仲有兩個星期就要幫我生第二個BB，但我聽日又要飛，呢個月我只係陪咗佢一日，多謝冇嬲我！老婆！」這位好好先生亦順道多謝父母，頭側側、站立姿勢甚有四哥風範的霆鋒說：「仲要多謝Daddy媽咪，純粹因為好耐冇多謝佢哋，多謝大家。」
他在後台接受訪問時透露，頒獎禮後會立即回家與老婆慶祝，預計會將八萬元的玉墜送給栢芝：「老婆Send咗SMS畀我話：『吓？有首飾o架？好昂貴。』」他表示不會因為得獎而加片酬，並帶笑說：「加四個零啦！其實唔會，依家唔同以前，有好多演員，今日有謝霆鋒，聽日都會有，無論有冇獎，都會用心機去演。」
Profile
謝賢及狄波拉兒子謝霆鋒現年29歲，早於16歲入行時已一鳴驚人，99年憑《古惑仔之少年激鬥篇》勇奪金像獎最佳新演員，06年憑《新警察故事》奪得內地百花獎男配角獎，早前則憑《十月圍城》勇奪亞洲電影大獎最佳男配角。