任達華自強不息夢想成真

多次獲影帝提名均失望而回的任達華，昨晚終於憑《歲月神偷》在金像獎中初嘗影帝滋味，力壓賽前大熱、《十月圍城》的王學圻，為港爭光。

當宣布華哥得獎時，全場掌聲雷動，鎮定的他上台前大方地與王學圻擁抱。從影34年的華哥在頒獎嘉賓舒淇及張震手中接過獎項，當時坐在台下的老婆琦琦已感動得眼濕濕，反觀華哥致辭時卻淡定得多：「多謝評審，多謝吳君如，係君如令我可以以親戚價拍呢部戲，多謝電影基金，多謝亞視，冇佢今晚冇得直播。一個菠蘿包可以發生一段感人故事，多謝羅啟銳畀我演呢個慈父角色，都多謝被人遺忘嘅《天水圍的夜與霧》，仲有由我出道到依家都好錫我嘅張同祖，多謝我嘅家人，我兩個女朋友，琦琦同我個女，多謝琦琦咁多年來對我嘅包容同支持。」

他又引用《歲》片金句：「考試唔合格唔緊要，正所謂『鞋字半邊難』，做人最緊要信，要自強不息，先可以夢想成真！」

Profile

現年55歲的任達華於70年代簽約TVB拍劇，85年在《新紥師兄續集》中飾演奸角韓彬而聲名大噪，87年投身大銀幕，曾參演電影《香港舞男》（90年）、《羔羊醫生》（92年）、《PTU》（03年），曾兩奪金紫荊影帝（04年及06年）。