由癌病初愈的藝術家Simon Birch構思製作的《Hope And Glory》開幕酒會前晚舉行，吸引貝安琪、尹子維、Ana R.、吳彥祖（Daniel）及名模女友Lisa S.出席。與女友拖手現身的Daniel表示，Simon的經歷啟發他要珍惜身邊人，包括女友。問到何時結婚？他揚言若結婚一定會公開，絕不瞞婚：「有乜好秘密？我哋都一齊咁多年！（先造人？）冇所謂，睇吓邊個得閒！不過我哋都要學吓點生BB，因為美國嘅性教育唔好，要上網睇！」

貝安琪雖以露背裝示人，仍不及Ana R.搶鏡。

以真空開胸裝示人的Ana R.，笑言對飛來蜢來者不拒。

減逾十磅演宅男

他透露近日為拍戲減掉逾十磅，在戲中飾演宅男的他笑言，現實中亦是宅男一名：「去到我哋呢啲年紀都唔想成日出去，好多時都係留喺屋企玩電腦同狗，我同Lisa係一對Boring Couple（悶蛋情侶）！」同場的Ana R.以真空開胸工人褲示人，被問到有沒有戴Bra？她即風騷地說：「你哋要唔要檢查一下？（近來好性感？）客戶要求啫！不過我都黐晒膠紙，好安全o架！（單身又性感，引死飛來蜢？）唔介意喎！」此外，貝安琪與緋聞男友尹子維前後腳到場，雖然貝安琪澄清二人並非情侶，但不排除有進一步發展的機會。

放大圖片	貝安琪與「男友」尹子維大方合照，旁為黃家諾（左）。