在台灣開店售賣自家潮服的蔣雅文（Mandy），除了對潮流服飾甚有研究外，原來對食物亦相當講究。Mandy表示最愛吃日本菜，尤其對日式串燒情有獨鍾，日前Mandy便到位於大坑一間以日式串燒為主打的食店開餐，她甫坐下便一口氣點了厚切牛舌、信州燒蠔及自家製雞肉棒品嘗。原來Mandy對蠔的感覺一般，她說：「我本身對蠔麻麻哋，因為食過有腥味同鹹水味嘅蠔，不過呢度嘅燒蠔真係好好食，好甜同好Juicy（多汁），每次嚟都會點！」
但她對厚切牛舌也甚為鍾愛：「平時試開薄切，但厚切反而係第一次試，口感好唔一樣，好爽口，好似食緊牛扒，再點埋芥末醬，更加一流。」
問到是否識食之人，Mandy說：「好鍾意食嘢，但未去到話食評，呢間食店開咗冇幾耐，我已經幫襯過幾次！」問到是否懂得下廚整幾味，她說：「雖然煮嘢食都OK，唔會太難食，但我冇乜興趣煮，因為煮完，要跟手洗埋啲碗碟，呢個係Package。」
