明晚《第29屆香港電影金像獎》假文化中心舉行，陳嘉上與鄭丹瑞等昨日出席拜神儀式，有線派出主播李潤庭採訪，無綫竟「人影都唔見」，陳嘉上忍不住說：「都應該嘅，唔關佢哋事，唔播咪唔好浪費同事嘅時間同車費囉！支持環保呀！」

曾志偉的《獎門人》將斬件Part 1及Part 2，對撼金像獎頒獎禮。資料圖片

有線派出李潤庭（左）訪問陳嘉上。

為撼《金像獎》，無綫明晚再作節目調動，將曾志偉主持的《超級遊戲獎門人大爆發》「斬件」分Part 1及2播出，中間時段則播放《鐵馬尋橋》大結局。不過，無綫將派員採訪《金像獎》，娛樂新聞台會轉播紅地氈盛況，至於賽果則以短訊形式於螢光幕上跟進。

阿旦委以司儀重任

今屆《金像獎》嘉賓名單中，包括上屆影帝后張家輝與鮑起靜，以及林熙蕾、吳彥祖、舒淇及曾志偉等，幸有阮經天（小天）及趙又廷帶來驚喜，同時大會宣布取消慶功宴。對於星光失色，陳嘉上說：「唔係靠大堆頭，有時卡士會比去年好，呢啲嘢好難比較。（趙薇嚟唔到！）佢應該好好休息，做咗媽媽，我都戥佢高興。」

而鄭丹瑞是次被委以司儀重任，他開玩笑說：「如果今次棟篤笑反應OK，我諗遲啲開十場添呀！」他表示相信無綫不會強迫旗下藝員上台講普通話，而無綫外事部副總監曾醒明亦指旗下藝人今次亮相亞視，可以廣東話發言。