鄭伊健、余安安、藍奕邦及劉浩龍等昨日宣傳電影《飛砂風中轉》時，伊健自爆受到無綫不平等對待：「我同無綫有部頭合約，係合約藝員，不過同時係四大唱片公司旗下歌手，身份尷尬！今次有電影上映，初頭聯絡無綫約宣傳，竟然回覆係『最好唔好啦！』陳小春同無綫冇約反而好歡迎佢做訪問，真係莫名其妙！」他坦言希望是有人搞錯，作出調查：「唔知係咪大家唔記得我同TVB有約，想提醒番TVB我仲係合約藝員囉！」

與余安安吵大鑊

新片中，伊健飾演余安安兒子，二人坦言對此大感愕然，伊健更說：「安安成日叫我扮得後生啲，襯番佢喎！」至於首度跟伊健合作，安安說：「第一日拍就要鬧交，跟住又攬頭攬頸，都要時間適應o架！」另外，趙薇近日榮升母親，曾跟她合作電影《炮製女朋友》的伊健說：「我都係睇報紙先知，好戥佢開心！」