17/04/2010

播放本新聞相關短片

基仔耳鳴驚餐懵

古巨基前晚與洪卓立及鄭融等錄影音樂節目《勁歌金曲》,並透露間歇性耳鳴:「好擔心,醫生話我可能休息唔夠,如果食咗一輪藥都冇好轉,就會去覆診,希望冇事啦!」

至於新歌《你好嗎》勇奪冠軍的洪卓立說:「係一支強心針,亦係對我復出嘅一個肯定!」他透露早前要求漁護署帶走兩隻寓意好意頭的「自來鴿」,豈料其後再有兩隻「光臨」,他說:「我會留佢哋喺度幾日,睇吓有咩變化。」問到有否「自來女」,他笑言希望有。另外,鄭融表示特地前來支持首度主持《勁歌金曲》的歐陽靖(MC Jin),並自嘲沒有做司儀的天分。