郭秀雲（Sharon）與馬天如（Michael）分屬好友，個多星期前Sharon接受本報記者電話訪問時，被問到Michael的心情是否已平復，她說：「冇咁快，佢同佢媽咪咁Close，突然之間失去咗！」至昨日記者再致電Sharon，問到Michael現時心情如何？她說：「都好好多。（喪禮籌備成點？）我唔會講，好對唔住。（咁Michael會唔會出席？）我都唔會講，你問我自己嘅嘢我就可以講，人哋嘅嘢我真係唔方便講。」而記者致電與Michael分屬世交的鄭欣宜，但截稿前未有回覆。