16/04/2010

播放本新聞相關短片

爆鏡:孫耀威飲過期湯包勁嘔

小小So前幾日喺電台見到孫耀威(Eric),平日時刻都保持住個精神樣嘅佢,竟然攰到連記者叫佢影張相都話冇力,話就話今個月出新碟忙宣傳同做後期啫!但都唔係攰到面青青o架?莫非Eric晚晚開夜車趕出碟?

小小So:嘩!你做咩呀?唔舒服呀?

孫耀威:應該係食錯嘢,啱啱先嘔完咋!

小小So:出街食咗污糟嘢?食咗咩呀你?

孫耀威:唔係,最近我鍾意自己整嘢食,今朝整咗件牛扒同沖咗湯包醫肚。

小小So:係咪你平時都腸胃唔好?

孫耀威:咁又唔係喎!只係我太鍾意食嘢,之前都試過兩次食物中毒。

小小So:你食嘢要小心啲先得o架!

孫耀威:我飲完碗湯覺得有啲唔舒服,睇番個湯包先知原來過咗期兩個星期,初初以為雪到佢變晒冰就得嘛!

小小So:服咗你喇!快啲去睇醫生啦!