16/04/2010

播放本新聞相關短片

倪晨曦桃色春夏唇服你

江若琳師妹倪晨曦(Elva),因一張與黃宗澤的「嘟嘴照」被公開而人氣急升。扮靚了得的Elva表示,嘴唇要經常護理,並示範最新春夏桃紅色唇膏!

曾參選多倫多華裔小姐的Elva,早前傳出被胡杏兒緋聞男友黃宗澤力追,雖然事後二人解釋是朋友,但Elva的櫻唇則因此而備受注目,她說:「女仔除咗眼睛之外,嘴唇亦要經常護理,早前天氣比較乾燥,所以我一星期每隔兩、三日都會DIY唇Mask,令嘴唇保持潤澤。」

今年22歲的Elva15歲時已擁有第一支唇膏,她說:「我個嘴唔可以冇嘢搽,因為我有咬唇壞習慣,平日唔使工作,我就鍾意塗Lip Gloss,等嘴唇輕輕咁『令令哋』,而要外出工作,我一定先用有防曬功能嘅潤唇膏,然後再搽有色唇膏。」

鮮色唇膏宜襯淡妝

今次Elva示範今季春夏最新的桃紅色唇膏,雖然她表示很少塗上鮮色唇膏,但在化妝拍攝上效果特別出色,還傳授心得:「搽鮮色唇膏,個妝一定唔可以濃,無論眼妝同胭脂都要輕手啲,令人覺得焦點放喺唇上面,突出唇妝。」

朱唇Mask甜蜜蜜

為令櫻唇長期保持誘惑的吸引力,Elva會自製蜂蜜唇Mask護唇,她教路:「先用一茶匙厚厚哋嘅蜂蜜搽喺唇上面,大約等15至20分鐘,然後用清水洗淨,再用熱毛巾敷一陣。如果嘴唇有死皮,敷完蜂蜜之後,再用手輕輕捽走死皮再洗淨,方法非常有效!」