李逸朗（Don）加入樂壇多年，可惜欠缺運氣，加上唱片業市道低迷，令其歌唱事業受阻，不甘心的他決定轉攻大銀幕，終獲內地導演垂青，近年接拍多套電視劇，但曾因壓力過大而導致有情緒病：「都唔知咩原因，暴瘦咗十幾廿磅！可能離鄉別井太耐，加上北京成日落雪，咩地方都去唔到，要困住喺片場同酒店！」面對當地演員，Don坦言壓力很大：「佢哋接受過演技培訓，相反我未學過演戲，普通話又唔好，一講對白就有好大分別！好彩依家好好多喇！」

Don自爆曾一度患情緒病，暴瘦十多磅。

Don曾與蔣雅文合作出碟，現已各有天地。資料圖片

變身「主觀派」再闖樂壇

今次返港，Don為下月推出的新碟造勢，已有兩年沒有出碟的他開心地說：「我依家係『主觀派』，因為成隻碟都冇添加任何人哋嘅意見，全部由自己負責，真係好開心！」

另外，Don日前接受電台訪問時自爆童年瘀事：「讀幼稚園時試過做指揮，點知正式演出時，我背向合唱團鞠躬，之後個幕隔咗我喺台前，搞到我好似傻瓜咁企喺出面！」令他自此留下陰影。